مفارقة بين الاشتياق والصدود ...ارجو ان تنال رضاكم

[
يوم الغبت ماغبت فوك الدرب نصبت

تمثال يم الفرع

ويوميه ابوسه العصر تمثالك شكد حلو

بس عيبه جان السمع
طفل انته جنت وكبر شكك اكماطة وزعل

جوعان رايد رضع
ومن شلته يم الصدر مد ايده وبلا خجل

مميه سوه الظلع
اميلاده شمعه اشعلت مانفخ راس الضوه

بعيوني طفه الشمع
ويوم اللعب لو هشه اترس اجيوبه ظحك

يشريلي بس الدمع
وعالمبداء والخبر علمته اذا ننصب

وحده العشك يرفع
وعلمني جدول ظرب يربح اذا ننطرح

ويخسر اذا ننجمع
ولبسني ثوب الحزن جتف ارداني ومشه

خوفا علي ينزع

..............
ارجو ان تنال رضاكم[/size][/color][/b]