لاياطبيبي شتعتذر /بقلمي

مشتاك الك

آياعمر مشتاك الك

محتاج الك وبصبري لاماظل صبر

محتاج الك كد الندى وكد الورد

وكد العصافير العلى اغصان الشجر

مشتاك الك

ومحتاج الك عازت عليل لطبتك

وانت الطبيب وتعتذر

واتكلي ما ارهم الك عشكي الم

واسراري اتملي بحر

لاياطبيبي شتعتذر

مو انت اديت القسم وبكل فخر

لاياطبيبي شتعذر

وامتيمك هام بودادك

وسهران الك ليمة الفجر

لاياطبيبي شتعتذر

وآني بهواك اجرع الم ماينحمل

وجروحي لعيونك نذر

وآني هويتك ياكلب

وآني اصبرت ليمن خلص صبر الصبر

كتلي ابتعد لاتقترب مني ابد

بعديش جاي اتكلي

سنين انا اهواك بوصل

محسبك حبيبي وخلي

عشك عشك مو اي عشك

جاني الهوى بتالي العمر

هزني بكل حيلة وذبت

واحظنته بزنودي السمر

خايف عليه من الحسد

داريته من عين البشر

ظميته بعيني دمع

وبين الرمش والعين اثر

شاعر واسولف بيك انا

بأروع قصايد بالشعر

رسام كل ليلة ارسمك

بأجمل تعابير الصور

لاياطبيبي شتعتذر

جامنهو غيرك لي انه

وليل الشتا شطولة يمر

وانطر فجر طر الفجر

بس انت مالك بالوصل

ويصرخ شفت صبح الهجر

وحتى العصافير الزغار

محنيه تبجي على الشجر

لاياطبيبي شتعذر

وانت البعد ثوبك صبح

واحسا سك انحاط بحجر

لاياحبيبي وتيهت كل المشاوير

وحدايق شوكنة وطيب النهر

بس انتة مو اول محب

عاف المحب مابين كلمات وصور

بس انتة مو اول محب

عاف اليالي والكمر

ولاني هم آخر بشر

كظى العمر ظيم وقهر


جمال